زانکۆیا دهۆک کۆلیژا زانستێن سیاسی دیپلۆما بلند د بیاڤێ دیپلۆماسیێ دا ل گەل پەیمانگەها سیاسەتا جیهانێ یا ئەمریکی رادگەهینیت

زانکۆیا دهۆک دیپلۆما بلند د بیاڤێ دیپلۆماسیێ دا ل گەل پەیمانگەها سیاسەتا جیهانێ یا ئەمریکی رادگەهینیت
زانكۆیا دهۆك بۆ سالا نوی یا خواندنێ‌ 2024-2025، دیپلۆما ئێك سالی د بیاڤێ دیپلۆماسیێ دا، ب هه‌ڤپشكی ل گه‌ل پەیمانگەها سیاسه‌تا جیهانێ (IWP) ل واشنگتۆن رادگەهینیت و نێزیکی 25 پێشکێشکاران دێ هێنه‌ وه‌رگرتن.
باوه‌رناما دیپلۆمێ یا هەڤپشکە‌ (Joint Degree) و پرۆگرامێ خواندنێ دێ د ناڤبه‌را هه‌ردوو سازیان دا (كۆلیژا زانستێن سیاسی یا زانكۆیا دهۆك، و پەیمانگەها سیاسه‌تا جیهانێ) هێته‌ بجهئینان.
خواندنا ده‌ستپێكێ دێ ل كۆلیژا زانستێن سیاسی ل زانكۆیا دهۆك بیت و ل دویڤ دا قوتابی ل پەیمانگەها سیاسه‌تا جیهانێ ل واشنگتۆن دێ‌ به‌ردەوامیێ ب خواندنێ ده‌ن.
پشتی ڤێ دیپلۆمێ دێ ده‌رفه‌تێن باشتر ژ لایێ‌ ڤان هه‌ردو سازیان ڤە په‌یدا بن بۆ به‌رده‌وامیا خواندنێن بلندتر و خواندن و دیپلۆمێن به‌رفره‌هتر د بیاڤێن جودا دا.
پەیمانگەها سیاسه‌تا جیهانێ ل واشنگتۆن ئێك ژ گرنگترین سازیێن ئه‌كادیمی یه‌ ل سه‌ر ئاستێ ئه‌مریكا و جیهانێ‌ ل بسپۆریێن جودا یێن زانستێن سیاسی، دیپلۆماسی و ب تایبه‌ت ئاسایش، پاراستن، زانیاری و هەوالگێری، و پتریا ده‌رچوویێن ڤێ پەیمانگەهێ ده‌سته‌كێ بالا د دروستکرنا بریارێن سیاسی (decision-making) ل ئه‌مریكا و جیهانێ هەیە.
مەرجێن وەرگرتنێ:
هەلگرێ باوەرناما بەکالۆریۆسێ بیت.
باوەرناما زمانێ ئینگلیزى، کو ئێک ژ ڤان مەرجان دەستەبەر بکەت:
هەبوونا باوەرناما (Pre-intermediate) ل سەنتەرێن زمانى ل زانکۆیێن حکومى ل هەرێما کوردستانێ.
یان هەبوونا باوەرناما نمرا (5) یا (IELTS-Academic) ناڤدەولەتى یان ژى بدەستڤەئینانا (TOEFL-PBT 414, TOEFL-iBT 59, Pearson Academic-PTE 52).
دویماهی ژڤان بۆ پێشکێشکرنێ 25/9/2024
چاڤپێکەڤتن ل رێکەڤتى 29/9/2024، ل سەر هژمارەکا بابەتێن گشتى، ب تایبەتی بابەتێن دیپلۆماسى، ب زمانێ ئینگلیزى، کوردى و عەرەبى ل کۆلیژێ دێ هێتە ئەنجامدان.
دەستپێکرنا سمستەرێ ئێکێ ل رێکەڤتى 13/10/2024 ل کۆلیژا زانستێن سیاسى و هەروەسا نیڤا دوویێ یا سمستەرێ دوویێ دێ خواندن بۆ ماوێ 6 حەفتیا ل ئەمریکا بیت.
هەمى خەرجیێن وەرگرتنا ڤێ باوەرنامێ دێ ژلایێ قوتابى ڤە هێتە دابینکرن، ئانکو دێ ب شێوازێ پارالێل بیت.
بۆ پێشکێشکرنێ لینکێ ل خوارێ کلیک بکە:
https://docs.google.com/.../1FAIpQLSfUskStUV9ggt.../viewform
بۆ زانیاریێن زێدەتر و هەر پرسیارەکێ، پەیوەندیێ ب ژمارە و ئیمێلێ ل خوارێ بکەن:
موبایل: 07504017948
ئیمێل: [email protected]
راگەهاندنا زانکۆیا دهۆک؛ ١٢ـی ئیلۆنێ ٢٠٢٤