گفتوگۆیا ئەکادیمی یا نامەیا ماستەرێ یا پێشکێشکری ژ لایێ قوتابی مسرور محمد رشو، ل سەر فەلسەفەیا ئاشتییا جیهانی ل دەڤ برتراند راسل، ل زانکۆیا دهوکێ.
راگريا کۆلیژا زانستێن سیاسی ل زانکۆیا دهوک، ب گەرمترین پیرۆزباهیێن خۆ پێشکێشی بۆ قوتابى (مەسرور محەمەد ڕەشو) دکەت، ب بۆنەیا بەڕێڤەچوونا گفتوگۆیا نامەیا ماستەرێ وێ، و هیڤیێن سەرکەفتن و سەرخستنا بەردەوام دکەت د ڕێکا زانستی و ئەکادیمی دا، هەروەسا پێشکەفتن و بەرجەستەبوونەکا زێدەتر د بواری ڤەکۆلینا زانستی دا بۆ وی دخوازیت.
د ڕۆژا چوارشەمبی، دێرکەفتی ٤ی ئازارا ٢٠٢٦، گفتوگۆیا نامەیا ماستەرێ یا پێشکێشکری ژ لایێ قوتابى مەسرور محەمەد ڕەشو، ژ بەشێ سیستەمێن سیاسی و سیاسەتا گشتی ل کۆلیژا زانستێن سیاسی یا زانکۆیا دهوک، ب سەرنڤیسا «ئاشتییا جیهانی د فەلسەفەیا سیاسی یا برتراند ڕاسڵ دا»، ب سەرپەرشتییا پروفیسۆرێ دکتۆر (مؤید برکات حسن)، ئەنجام دا.
ئەڤ نامەیە بابەتا ئاشتییا جیهانی د بیر و هزرێن فەلسەفی و سیاسی یێن برتراند ڕاسڵ دا ڤەکۆلین دکەت، ب رێکا شیکرنا چەمکێن سەرەکی یێن پەیوەندیدار ب ئاشتی و سەقامگیرییا نێڤدەولەتی، و گەنگەشەکرنا بنەمایێن فکری و فەلسەفی یێن بۆ تێگەهشتنا ئەو ئاستەنگان گرنگن کو بەرێ ئاشتییا جیهانی دکەڤن و کاریگەریێ ل سەر بەدەستهێنان و جێگیرکرنا وێ دکەن.
هەروەسا، ئەڤ ڤەکۆلینە خوێندنەکە شیکاری و ڕەخنەگرانە پێشکێش دکەت بۆ ئەو بیر و هزرێن سیاسی و فەلسەفی یێن پەیوەندیدار ب ڤێ بابەتێ، ب شێوەیەکێ کو ڤەکۆلینا ئەکادیمی د بوارێن هزرا سیاسی و فەلسەفەیا سیاسی یا ڕۆژاواییدا دەولەمەندتر دکەت، و ڕۆلا هزرا فەلسەفی د تێگەهشتنا ئالۆزی و ئاستەنگێن ئاشتییا جیهانی و ئەگەرێن بەدەستهێنانا سەقامگیرییا بەردەوامدا ڕوون دکەت.