(خواندنەكا شروڤەكاری د چارچووڤێ دەستورێ عیراقا فیدرالیدا و ژینگەها هەرێمی و نیڤدەولەتی)

ل رۆژا پێنجشەمبی، رێکەفتی 21/5/2026، پشکا پەیوەندیێن نێودەولەتی (IR) ل کۆلیژا زانستێن سیاسی سمینارەک رێکخست کو ژ لایێ دکتور نجم الدين محي الدين ڤە هاتە پێشکێشکرن

پوختە: ئەڤ ڤەكولینە مژارەكا گرنگە ژ مژارێن دیاربوین لسەر مەیدانا سیاسەتا عیراقێ بخوڤەدگریت و ب تایبەتی دناڤا مەیدانا ڤەكولینێن زانستیدا پشتی سالا 2003 دەما كو عیراقێ سیستەمێ فیدرالی د دەستورێ خویێ سالا 2005دا چەسپاندی، ئەوژی مژارا پارا دیپلوماسیەتێ یە ئەوا هەرێما كوردستانێ وەكی هەرێمەكا فیدرالی لپەی دەستوری بكاردئینیت. ڤەكولین پێكولێ‌ دكەت سروشت و ناڤەروكا ئەڤێ چالاكیێ دیاربكەت زێدەباری رولێ وێ د بهێزكرنا پێگەهێ هەرێمێ ل نافخو و لسەر ئاستێ دەرڤە ب شێوەكێ تایبەت. هەروەسا ئارمانجا ڤەكولینێ كویركرنا هوشیاریا گرنگیا سیستەمێ فیدرالیە ل عیراقێ ئەوا جورە بالانسەكێ د كاروبارێن سیاسەتا دەرڤە و هاوكێشا سیاسی ل عیراقێ بدەستڤەدئینیت دناڤبەرا هەرێمێ و مەركەزیدا ئەڤەژی ژبو پاراستنا مافێن دەستوریێن هەرێمێ یە و بهێزكرنا پێگەهێ وێ یێ نیڤدەولەتی. و لڤێرێ‌ ئێك ژ دیارترین لایەنێن گرنگیا وێ دیاردبیت، ژبەركو ب دیتنا مە ئەڤ بابەتە پێدڤی ب خواندنەڤە و ڤەكولینان هەیە دگەل شیانێن وەبەرهێنانا دەرئەنجامێن ئەڤێ ڤەكولینێ لسەر هەردوو ئاستێن مەیدانێن سیاسی و ئەكادیمی.

پەیڤێن سەرەكی: دیپلوماسیەت.. پارا دیپلوماسیەت.. سیستەمێ فیدرالی.. دەستورێ عیراقێ یێ سالا 2005.. هەرێما كوردستانا عیراقێ.