ل ڕۆژا دووشەمبی ڕێکەفتی 2026/4/27، گەنگەشەیا نامەیا ماستەرێ یا قوتابی (ئاراز سالح حەسەن بەرجینی - کۆلیژا زانستێن سیاسی) هاتە ئەنجامدان، ل ژێر ناڤونیشانێ: "ڕۆلێ ڤەگوهاستنا ئەسمانی د بپێشخستنا پەیوەندیێن دەرڤە یێن هەرێمێن داخستی دا – هەرێما کوردستانا عیراقێ وەک نموونە (2005–2025)"، ب سەرپەرشتیا پ.هـ.د. عبدالرحمن کریم دروێش.
ئەڤ ڤەکۆلینە ب ئێك ژ ئێکەمین ڤەکۆلینێن ئەکادیمی دهێتە هژمارتن ل هەرێما کوردستانێ ب تایبەتی، و ل عیراقێ ب گشتی، و ل سەر ئاستێ هەرێمی ژی، کو گرێدانێ د ناڤبەرا پێشکەفتنا ڤەگوهاستنا ئەسمانی و دیپلۆماسیەتا پەیوەندیێن نێڤدەولەتی دکەت، هەروەسا ڕۆلێ وێ د ڕزگارکرنا هەرێمێن داخستی ژ دابڕانا جوگرافی، وەک بژاردەیەکا ستراتیژی و پلانەکا بەدیل بۆ بپێشخستنا ڤەبوون و گرێدانا وان ب جیهانا دەرڤە.