گرنگیپێدانێن من یێن ڤەکۆلینێ ب شێوەیەکێ گشتی د بیاڤێ ئامارێ دانە، ب گرنگیپێدانەکا تایبەت ل سەر شێوازێن ئاماری یێن د ڤەکۆلینێن پەروەردەیی و جڤاکی دا دهێنە بکارئینان. ئەز گرنگیێ ددەمە جێبەجێکرنا نموونەسازییا ئاماری (Statistical Modeling)، شیکارکرنا داتایان، و تەکنیکێن لێدەرئینانێ (Inference) بۆ تێگەهشتنەکا باشتر ل دۆر دیاردەیێن ئاڵۆز و پشتەڤانیکرنا بڕیاردانێ ل سەر بنەمایێ بەلگان.

کارێ من تیشکێ دئێختە سەر تێکەڵکرنا تێگەهێن ئاماری یێن تیۆری دگەل جێبەجێکرنێن کرداری، ژ وان ژی بکارئینانا داتایێن ژ واقیعی بۆ چارەسەرکرنا کێشەیێن ڤەکۆلینێ. ئارمانجا من ب ڕێکا ڤەکۆلینێن من ئەوە کو پشکداریێ د پێشخستن و بکارئینانا کارا یا شێوازێن ئاماری دا بکەم، ب ڕەنگەکێ کو کواڵێتی و ورداتییا ڤەکۆلینێن ئەزموونی بهێزتر بکەت.

من کاروانێ خۆ یێ وانەگۆتنی ل سالا ٢٠٢٤ێ ل زانکۆیا دهۆکێ دەستپێکر، کو تێدا وانەیا ئامارا پەروەردەیی دبێژم. ئەز د ڤی ئەرکی دا تیشکێ دئێخمە سەر پێشخستنا تێگەهشتنا قوتابیان بۆ تێگەهێن بنەرەتی یێن ئامارێ و بکارئینانا وان د ڤەکۆلینێن پەروەردەیی دا ب ڕێکا نموونەیێن کرداری و شێوازێن وانەگۆتنا کارلێککەر (تفاعلي). ئەڤێ ئەزموونێ پشکداری د گەشەپێدانا من یا ئەکادیمی دا کرییە و پابەندبوونا من ب وانەگۆتنا زانکۆیێ یا کارا ب هێزتر کرییە.

لا توجد سيرة ذاتية