خولا پێشڤەبرنا ئەکادیمی ل دۆر پێڤاژوویا بۆلۆنیا و پلاتفۆڕما موودل.

جهـ: زانکۆیا دهۆک - کۆلیژا زانستێن سیاسی.

رێکەفت: 6-7 ئیلۆنا 2026.

​ل رێکەفتی 6 هه‌تا 7ـی ئیلۆنا 2026، کۆلیژا زانستێن سیاسی ل زانکۆیا دهۆک وۆرکشوپەکێ ئەکادیمی یێ دوو رۆژی ئەنجامدا، ب مه‌ره‌ما پێشڤەبرنا کارگێڕیا ئەکادیمی ل دیف سیستەمێ بۆلۆنیا و بهێزکرنا شیانێن فێرکرنا ئەلیکترۆنی ب رێکا پلاتفۆڕما موودل.

​رۆژا ئێکێ: بجهئینانا پرۆسێسا بۆلۆنیا:

کارێ رۆژا ئێکێ هاتبوو تەرخانکرن بۆ رێکارێن پرۆسێسا بۆلۆنیا ل کۆلیژا زانستێن سیاسی، و ئەڤ تەوەرێن سەرەکی بخۆڤە گرتن:

رونکرنا پیڤەرێن بۆلۆنیا، دابەشکرنا یەکان و بارگررانیا خواندنێ بۆ قوتابیان. رێکێن داخستن و تومارکرنا ئامادەبوون و نەئامادەبوونا مامۆستایان و قوتابیان ب شێوەیەکێ رێکخستی. رێکارێن دەرئێخستنا ناڤێن فەرمی یێن قوتابیان و راپۆرتێن ئەکادیمی. رێسا و هەنگاڤێن داخستنا نمرەیێن هەلسەنگاندنا بەردەوام و ئەنجامێن ئەزموونان. رێکخستنا شێوازێن دروست یێن پەیوەندیێ د ناڤبەرا مامۆستا و قوتابیان دا.

​رۆژا دووێ: پێشڤەبرنا فێرکرنا ئەلیکترۆنی ب رێکا پلاتفۆڕما موودل:

تەوەرێ رۆژا دووێ تایبەت بوو ب بکارئینانا پراکتیکی یا سیستەمێ فێرکرنا ئەلیکترۆنی، و بەحس ل ڤان خالان هاتە کرن رونکرنا بکارئینانا موودل وەکو پێدڤیەکا سەرەکی یا وەزارەتێ ل هەمی زانکۆیێن هەرێما کوردستانێ و ب تایبەت زانکۆیا دهۆک. چەوانیا دارشتن، دیزاینکرن و رێکخستنا لاپەرێ کۆرسێن خواندنێ ب شێوەیەکێ ئاسان و رێک و پێک. بارکرنا بابەتان، وەک سلایدێن وانان، پەرتووک، و ژێدەرێن پێدڤی. دەرئێخستنا راپۆرتان ل دۆر چاڤدێریکرنا ئاستێ بەشداریکرن و بزاڤێن قوتابیان د ناڤ پلاتفۆڕمێ دا. چەوانیا دانانا پرسیاران، دروستکرنا تاقیکرنێن دەستپێکێ و دەستنیشانکرنا نمرەدانانا ئۆتۆماتیکی. بکارئینانا چاتی و گروپێن گەنگەشێ د ناڤبەرا مامۆستا و قوتابیان دا بۆ ئاڵوگۆڕکرنا پێزانینان ب رەنگەکێ بەردەوام.